बास्मति कठायत-
​कर्णाली प्रदेश सरकार, सामाजिक विकास मन्त्रालय अन्तर्गतको शिक्षा विकास निर्देशनालय, वीरेन्द्रनगर, सुर्खेतले कालिकोट जिल्लाका शिक्षकलाई उत्कृष्ट शिक्षकको रूपमा सम्मानित गरेको छ।
​कालिकोटको पचालझरना -४ स्थित ज्ञानोदय माध्यमिक विद्यालयमा कार्यरत नि.मा.शि.द्वि. शिक्षक श्री टीका उपाध्याय लाई शिक्षा विकास निर्देशनालयले आर्थिक वर्ष २०८२/०८३ को स्वीकृत कार्यक्रम अनुसार कालिकोट जिल्लाको उत्कृष्ट शिक्षकको रूपमा छनोट गरी सम्मान गरेको हो।
​शिक्षक उपाध्यायलाई शिक्षा क्षेत्रमा पुर्‍याउनुभएको अतुलनीय योगदानको उच्च कदर गर्दै नगद रु. ३५,०००/- (अक्षरुपी पैंतीस हजार रुपैयाँ मात्र) र प्रशंसा-पत्रसहित पुरस्कृत गरिएको छ।
शिक्षण पेशालाई थप मर्यादित बनाउन र शैक्षिक गुणस्तर अभिवृद्धि गर्नमा आगामी दिनमा पनि उहाँको महत्त्वपूर्ण योगदान रहने अपेक्षा सहित उज्ज्वल भविष्यको कामना गरिएको छ।

हार्दिक बधाइ । पचालझरना मिडिया प्रा. लि ।